झलनाथ खनाललाई पराजित गर्दै इलाम १ मा महेश बस्नेत निर्वाचित

इलाम । पूर्वप्रधानमन्त्री एवं नेकपा (एकीकृत समाजवादी) का नेता झलनाथ खनाल प्रतिनिधिसभा सदस्य निर्वाचनमा पराजित भएका छन् ।

इलाम क्षेत्र नम्बर १ को प्रतिनिधि सभा सदस्यका लागि भएको निर्वाचनमा नेकपा (एमाले) का उम्मेदवार महेश बस्नेतले उनलाई पराजित गरेका हुन् ।

बस्नेत खनालसँग झण्डै २ हजार ५ मतान्तरसहित निर्वाचित भएका हुन् ।

निर्वाचन अधिकृत राजकुमार दाहालले बस्नेत निर्वाचित हुने निश्चित भएपनि मत जोड्ने क्रम जारी रहेकाले यकिन मत आइनसकेको बताए ।

खनाललाई सत्तारुढ गठबन्धनका अन्य दलले सहयोग गरे पनि उनी पराजित भएका हुन् । निर्वाचन र मतगणनामा धाँधली भएको भन्दै उनले पुनः मतदान गर्न माग गरेका थिए ।

इलाम क्षेत्र नम्बर २ बाट यसअघि शनिबार घोषित अन्तिम मतगणना परिणामअनुसार एमालेका सुवास नेम्वाङ निर्वाचित भइसकेका छन्।

उनले नेपाली कांग्रेसका डम्बर खड्कालाई पराजित गर्दै विजय हासिल गरेका हुन्।

• बस्नेतको चुनौती खनाललाई कठिन
• कठिन जितका साथ सुवास नेम्वाङ पाचौँपटक सांसद निर्वाचित