प्याब्सन विराटनगरले आयोजना गरेको चित्रकला प्रतियोगिताबाट  २० विद्यार्थी जिल्ला स्तरीय प्रतियोगिताका लागि छनोट

विराटनगर । प्याब्सन विराटनगर महानगरपालिकाले आयोजना गरेको महानगरस्तरीय चित्रकला प्रतियोगिताबाट २० जना विद्यार्थी जिल्ला स्तरीय प्रतियोगिताका लागि छनोट भएका छन्। प्रतियोगिता विराटनगरमा मंगलबार सम्पन्न भएको छ।   छनोट भएका विद्यार्थीमध्ये सिनियर समूहबाट ११ र जुनियर समूहबाट ९ जना रहेका छन्। सिनियर समूहमा बुढानिलकण्ठ स्कुलका योगराज साह प्रथम भएका छन् भने जुनियर समूहमा सुम्निमा बोर्डिङ स्कुलकी कृष्टीना राईले प्रथम स्थान प्राप्त गरेकी छन्।

अन्य विजयी विद्यार्थीहरूमा सिनियर तर्फ प्रेरणा पण्डित (द्वितीय), कृतिका यादव (तृतीय), रोनी सापकोटा (चौथो) रहेका छन्। त्यस्तै, अंकिता श्रेष्ठ, इच्छा बज्राचार्य, अनिशा राई, सलोनी सोनी, ओमप्रकाश शर्मा, आयुष्मा आचार्य र महावीर कुमार मेहता पनि जिल्ला प्रतियोगिताका लागि छनोट भएका छन्।

जुनियर समूहमा द्वितीय बिप्लव दास, तृतीय आविष्कार कार्की र चौथो कोभिड कुन्डलिया घोषित भए। अन्य छनोट विद्यार्थीमा आयुषा कायुम खान, न्यान्सी कुमारी साह, पेसल पराजुली, सुश्रीन भट्टराई र रोहन साह छन्।

३१ विद्यालयका ५८ विद्यार्थी सहभागी प्रतियोगिता ललित कला संगम मोरङका अध्यक्ष प्रकाश चौधरीको नेतृत्वमा मूल्यांकन गरिएको थियो। कार्यक्रम संयोजक यादव प्रधानले प्रतियोगिताको उद्देश्य विद्यार्थीको सिर्जनात्मकता र चित्रकला रुचिलाई प्रवर्धन गर्नु रहेको वताउनुभयो।

प्याब्सनका विभिन्न पदाधिकारीहरूले विजयी विद्यार्थीलाई बधाई दिँदै आगामी जेठ २९ गते जिल्लास्तरीय   प्रतियोगितामा सहभागी हुने विद्यार्थीलाई  शुभकामना दिए।