गाडिएको अवस्थामा भेटियो महिलाको शव

रौतहटको बलेरी जंगलमा वृन्दावन नगरपालिका–१ की फूलमतिया देवीको शव फेला परेको रौतहट प्रहरीका प्रवक्ता डीएसपी दीपककुमार रायले बताए । उनका अनुसार चैत १४ गतेदेखि महिला बेपत्ता भएको उजुरी परेको थियो ।

हत्या गरेर महिलालाई गाडिएको प्रहरीको प्रारम्भिक अनुसन्धानबाट खुलेको छ । हत्यामा संलग्न भएको आशंकामा २ जना पक्राउ परेका छन् । थप अनुसन्धान भइरहेको र अनुसन्धानपछि वास्तविकता पत्ता लाग्ने डीएसपी रायले बताए ।