लुम्बिनी प्रदेशमा सुरु हुँदै पिएम कप, आज तीन खेल

सन् २०१७ मा पहिलो पटक आयोजना भएको पिएम कपको यो सातौं संस्करण हो। यो पटक सबै खेल लुम्बिनी प्रदेशमा आयोजना हुन लागेको हो। लुम्बिनी प्रदेशले पिएम कपका सबै खेल आयोजना गर्न पाएको यो पहिलो अवसर हो। प्रतियोगिता आजबाट चैत १६ गतेसम्म सञ्चालन हुने छ।

खेलहरू सिंगल राउन्ड रोबिनका आधारमा हुने छ। लिग चरणमा सबै टोलीले एक आपसमा खेलेपछि शीर्ष २ टोलीका बीच फाइनल खेल हुने छ। प्रतियोगिताको पहिलो दिन आज तीन खेल हुँदै छन्। आइतबार सिद्धार्थ रंगशालामा कोशी प्रदेश र लुम्बिनी प्रदेश, एक्स्ट्राटेकमा वागमती प्रदेश र एपिएफ तथा लमहीमा कर्णाली प्रदेश र सुदूरपश्चिम प्रदेशवीच खेल हुँदै छ।