पशु अधिकारकर्मीको दबाबसँगै हात्तीपोलो खेल बन्द

मनोरञ्जनका लागि हात्तीलाई सास्ती दिएर खेलाइने हात्ती पोलो खेल हात्ती तथा पर्यटन महोत्सवबाट हटाइएको छ।  महोत्सव आयोजक र पशु अधिकारकर्मीबीच महोत्सवको अघिल्लो दिन बुधबार राति हात्ती पोलो हटाउने विषयमा सहमति भएको हो।

‘आजको संयुक्त बैठक मार्फत गरेका निर्णयहरुले भविष्यका दिनमा हुने हात्तीप्रतिको अन्याय रोक्दै हात्ती मैत्री पर्यटन तथा जिम्मेवार र्यापर्यटन तर्फ समाजलाई डोर्‍याउने र पर्यटन  क्षेत्रमा यो निर्णय अन्यखालका पशुहरुमाथि गरिने क्रुर व्यवहारप्रति पनि समाजलाई सचेत गराउँदै परिवर्तन गर्नलाई कोशेढुङ्गासाबित हुने आशा राखेका छौँ’, एनिमल राइट क्लब नेपालका संस्थापक अध्यक्ष सुराजन श्रेष्ठले निर्णयपछि भने।

हात्ती पोलो रोक्न भन्दै अभिनेत्री मनीषा कोइरालालगायतले सार्वजनिक रुपमा अपिल गरेका थिए।