‘स्मृतिमा बुवा’ कृति विमोचन

झापा । साहित्यिक सर्जक अम्बिका खरेल उप्रेतीद्वारा सम्पादित ‘स्मृतिमा बुवा’ नामक कृतिको विमोचन गरिएको छ ।

दिवंगत पिता नरप्रसाद खरेलको स्मृतिमा उनले उक्त कृति तयार पारेकी हुन् । स्वर्गीय खरेलको सम्झनामा पुस्तक विमोचन विमोचन गरिएको हो ।

झापाको कमल गाउँपालिका वडा ३ स्थित खरेल निवासमा पिताको वार्षिकीमा लगाइएको श्रीमदभागवत महापुराणका अवसरमा कृतिको विमोचन गरिएको हो ।

स्वर्गीय खरेलले आफ्नो जीवनकालमा सामाजिक कामहरु गरेका थिए । समाजका लागि अविश्मरणीय कामहरु गरेको भन्दै सहभागीहरुले उनको योगदानको बारेमा चर्चा गरेका थिए ।

विभिन्न व्यक्तिहरुले खरेलको योगदानका बारेमा गरेको चर्चा, अभिव्यक्ति र टिप्पणी लगायत सम्झनामा लेखिएका लेखहरु कृतिमा समावेश गरिएको छ ।