महानगरका नवनियुक्त कर्मचारीलाई प्रशिक्षण

विराटनगर । विराटनगर महानगरपालिकामा प्रदेश लोकसेवा आयोगबाट सिफारिस भएर आएका कर्मचारीका लागि क्षमता अभिवृद्धि तालिम सुरु भएको छ ।

तालिमको एक समारोहका बीच बुधबार महानगरकी उपमेयर शिल्पा निराला कार्कीले उद्घाटन गरिन् ।

तालिममा करसम्बन्धी अवधारणा, महानगरपालिकको आर्थिक ऐन २०७९, स्थानीय तह र वडा समितिको काम, कर्तव्य र अधिकार, स्थानीय तहको योजना प्रक्रियामा सम्बोधन गर्नुपर्ने बहुक्षेत्रगत विषयहरुबारे जानकारी दिइने छ ।

यसैगरी वडा समितिको भूमिका, वडाध्यक्ष, वडा समितिका सदस्यहरु र वडा सचिवको काम, कर्तव्य र अधिकार, वडा समितिबाट प्रदान गरिने सिफारिसहरु र सर्जमिन मुचुल्का, सम्पत्ति कर निर्धारण प्रक्रिया, सम्पत्ति कर निर्धारण प्रक्रियालगायतका विषयमा जानकारी दिइनेछ दिइनेछ ।

पाँच दिनसम्म सञ्चालन हुने तालिममा महानगरपालिकाका प्रमुख प्रशासकीय अधिकृत विष्णुप्रसाद कोइराला, आन्तरिक मामिला तथा कानुन मन्त्रालयका सचिव उमेश बस्नेतलगायतले प्रशिक्षण दिने छन् ।

सिफारिस भएर आएका कर्मचारीलाई प्रशिक्षण दिएपछि महानगर र वडाहरुमा खटाइने प्रमुख प्रशासकीय अधिकृत विष्णुप्रसाद कोइरालाले जानकारी गराए । तालिममा २२ जना पाँचौं तहका कर्मचारी सहभागी छन् ।