उत्कृष्ट ऋणी र बचतकर्ताहरुको सम्मान

विराटनगर । सञ्चारकर्मी सञ्चार सहकारी संस्था लिमिटेडले आफनो ११औँ साधारण सभाका अवसरमा उत्कृष्ट ऋणी र बचनकर्तालाई सम्मान गरिएको छ । पत्रकारको आर्थिक स्थायित्व र उन्नतिका लागि ११ वर्षअघि सञ्चार सहकारी संस्था स्थापना भएको थियो ।

कार्यक्रममा पत्रकार महासंघ प्रदेश १ अध्यक्ष लीलाबल्लभ घिमिरेले सञ्चारकर्मीलाई आवश्यक उपकरण किन्न सहुलियतमा ऋणको व्यवस्था गर्न सुझाव दिए ।

प्रदेश प्रमुख पर्शुराम खापुङ्घको प्रमुख आथित्यमा सञ्चालन भएको साधारण सभा उद्घाटनका क्रममा प्रदेश सरकारले पत्रकारद्वारा पत्रकारकालगि सञ्चालनमा गरिएको सहकारीलाई सहयोग गर्नुपर्नेमा जोड दिइएको थियो ।

प्रदेश प्रमुख खापुङले सहकारीले व्यक्ति, समाज र सिंगो राष्ट्रको उन्नतिमा महत्वपूर्ण योगदान दिने हुँदा सञ्चारकर्मीद्वारा सञ्चालित सहकारी उदाहरणीय हुनुपर्ने बताए ।

यसैबीच, साधारणसभाबाट संस्थाका अध्यक्षमा दीपक दाहाल, उपाध्यक्षमा महाप्रसाद खतिवडा, सचिवमा विजयहरि खतिवडा र कोषाध्यक्षमा चिना थापा चयन भएका छन् ।

यसैगरी, सदस्यमा बाबुराम भण्डारी, शान्ति दाहाल, मुकेश यादव, राजेश राजवंशी, भोजराज घिमिरे, लेखा समिति संयोजकमा अविनाश निधि, सदस्यहरूमा हरि अधिकारी र उत्तम पोखरेल निर्वाचित भएका छन् ।