कांग्रेसमा प्रदेश संसदीय दलको नेता छान्न शुक्रबार मतदान

विराटनगर । प्रदेश १ मा नेपाली कांग्रेस संसदीय दलको नेता शुक्रबार चयन गरिने भएको छ । दलको नेता चयनको लागि पुस १५ गते शुक्रबार मतदान प्रक्रिया अपनाइने भएको छ ।

प्रदेश निर्वाचन समितिले सार्वजनिक गरेको निर्वाचन कार्यतालिका अनुसार पुस १५ गते बिहान ९ बजेदेखि १० बजेसम्म मतदान समय तोकिएको छ ।

समितिका अनुसार पुस १४ गते बिहान ९ बजे मतदाता नामावली सार्वजनिक गर्ने कार्यतालिका छ । त्यसै दिन बिहान ११ः३० मा अन्तिम नामावली सार्वजनिक गरिने छ ।

पुस १४ गते १२ः३० देखि १ः३० सम्म उम्मेदवारी दर्ता गरिने र ४ बजेसम्म उम्मेद्वारको अन्तिम नामावली सार्वजनिक गरिने सूचनामा उल्लेख छ ।