भेरुवाथानमा रासविसले आफ्नो २९औं स्थापना दिवस मनाउने

सुनवर्षी । राजवंशी समाज विकास समिति (रासविस)ले आफ्नो २९औं स्थापना दिवस पौस ५ गते सुनवर्षी–९ भेरुवाथानमा मनाउने भएको छ ।

स्थापना दिवसको अवसरमा राजवंशी लोकनृत्य, गीत सङ्गीत र जातीय पहिचान झल्काउने परम्परागत खानाकाे प्रदर्शनी गरिने रासविस मोरङ जिल्ला अध्यक्ष रमेशकुमार राजवंशीले बताए  ।

राजवंशी जातीको शान्ति र एकताको कामना गर्दै उक्त दिन एक सय एघार दीप प्रज्वलन गरि भेरुवाथान देवस्थलको परम्परागत रुपमा पूजा अर्चना समेत गरिने अध्यक्ष राजवंशीले जानकारी गराए ।

कार्यक्रममा राजवंशी समाजका वृद्धवृद्धालाई सम्मान गरिने, शान्तिको प्रतिक परेवा उडाइने र परम्परागत खानाकाे परिकार ‘गाजी मुरी’ खुवाइने बताइएकाे छ ।

कार्यक्रममा नवनिर्वाचित प्रतिनिधि तथा प्रदेशसभा सदस्यको समेत उपस्थित रहने आयोजकले बताएकाे छ ।