सेवा निवृत्तिपछि ड्रागन खेतीमा रमाउँदै त्रिपाठी

३५ वर्ष सरकारी सेवापश्चात निवृत्त भएका मित्रलाल त्रिपाठी पोखरा–२५ हेमजामा व्यावसायिक ड्रागन खेतीमा लागेका छन्। बाँझो पाखोमा सुरु गरिएको फुर्केटारी एग्रो फर्म मा ९० भन्दा बढी प्रजातिका करिब २ हजार बिरुवाले उत्पादन दिन थालेका छन्। पहिलो वर्षमै दुई लाखभन्दा बढीको फल बिक्री भएको छ भने प्रतिकेजी ५०० मा बजार पठाइएका छन्।

फर्ममा हालसम्म ५० लाख रुपैयाँ लगानी भएको छ र कृषि ज्ञान केन्द्र कास्कीबाट प्राविधिक तथा आर्थिक सहयोगसमेत प्राप्त भएको छ। एक फल ४०० ग्रामदेखि एक किलोभन्दा बढीको हुने र बिरुवा बिक्रीबाट पनि राम्रो आम्दानी भइरहेको छ। खेतीले स्थानीयलाई रोजगारी दिँदै हेमजा क्षेत्रमा ड्रागन उत्पादनको नयाँ सम्भावना बढाएको छ।