मधेस प्रदेशका पूर्वप्रमुख राजेश अहिराज पुर्पक्षका लागि थुनामा

काठमाडौं जिल्ला अदालतले मधेस प्रदेशका पूर्वप्रमुख राजेश अहिराज भनिने राजेश झालाई पुर्पक्षका लागि थुनामा पठाउन आदेश दिएको छ।

न्यायाधीश पिताम्बर शर्माको इजलासले बुधबार उनलाई थुनामा राखेर मुद्दाको पुर्पक्ष गर्न आदेश दिएको हो। अहिराजविरुद्ध एक युवतीले बलात्कार आरोपमा मुद्दा दर्ता गरेकी थिइन्।

साउन ४ गते पक्राउ परेका झामाथिको अनुसन्धान प्रहरीले ९ दिनमै सकेको थियो। प्रहरीको अनुसन्धान प्रतिवेदनका आधारमा सरकारी वकिल कार्यालय काठमाडौंले काठमाडौं जिल्ला अदालतमा उनीविरुद्ध जबरजस्ती करणी मुद्दा दायर गरेको थियो।

ती युवतीले अहिराजले आफूलाई २०८१ जेठ ४ गते काठमाडौंको नयाँ बानेश्वरस्थित आफ्नै डेरामा बलात्कार गरेको आरोप लगाएकी छन्। यसैबीच, अहिराजले पनि आफूविरुद्ध बलात्कारको जाहेरी दिने युवतीविरुद्ध मुद्दा हालेका छन्।