प्रदेश प्रहरी कार्यालयका अनुसार, यस अवधिमा चरेश, अफिम, ब्राउन सुगर (खैरो हेरोइन) र विभिन्न प्रकारका लागुऔषध ठूलो मात्रामा बरामद भएका छन्।
लागुऔषधले व्यक्ति, परिवार र समाजमा गम्भीर नकारात्मक असर पार्ने तथा अपराध बढाउने निष्कर्षसहित प्रहरीले यो अभियान तीव्र पारेको प्रदेश प्रहरी प्रमुख डीआईजी ईश्वर कार्कीले बताए। उनले लागुऔषधको प्रयोग, ओसारपसार र बेचबिखन कानुनी अपराध हो भन्ने सन्देशसहित नीतिगत, भौतिक र मनोवैज्ञानिक स्तरमा एकीकृत रणनीति अपनाइएको जानकारी दिए।डीआईजी कार्कीका अनुसार, प्रहरीले “फाइट अगेन्स्ट नार्कोटिक्स (FAN)” कार्यक्रम चलाएको छ। साथै, प्रदेश सरकार, स्थानीय तह र सरोकारवाला संस्थाहरूसँग मिलेर चेतनामूलक कार्यक्रम र सञ्चारमाध्यमबाट सचेतना अभियान पनि चलाइएको छ। यसको मुख्य उद्देश्य लागुऔषधको कुलतमा फसेका युवाहरूलाई पुनर्स्थापना गराउनु र समुदायमा चेतना फैलाउनु हो।
लागुऔषधको सञ्जाल तोड्न प्रहरीले राजमार्ग, भित्री सडक, सीमावर्ती नाका र शंकास्पद व्यक्तिमाथि कडा निगरानी तथा चेकजाँच गरिरहेको छ। यस क्रममा लागुऔषध लुकाएर ल्याउने धेरै प्रयासहरू असफल भएका छन्।आर्थिक वर्ष २०८१/०८२ मा प्रदेशका विभिन्न जिल्लाबाट प्रहरीले ठूलो परिमाणमा लागुऔषध बरामद गरेको छ। जसमा ५ किलो ४ सय ८९ ग्राम ब्राउन सुगर र ६ लाख १५ हजार ७९ ट्याब्लेट चक्की र क्याप्सुल लगायतका लागूऔषधहरू छन्। यसरी पक्राउ पर्नेमा १,८८८ पुरुष र ९७ महिला रहेका छन्।
प्रहरीले यो अभियानमा आमनागरिक, सञ्चारकर्मी, शिक्षण संस्था, अभिभावक र युवाहरूको साथ र सहयोग पाएको जनाएको छ। लागुऔषधबारे कुनै सूचना भए तत्काल प्रहरीलाई जानकारी गराउन पनि आग्रह गरिएको छ।
Like us on Facebook
Follow us on Instagram
Subscribe YouTube Channel
Follow us on Tiktok