अध्यात्मको वास्तविक अर्थ अन्धविश्वास र मान्यतालाई हटाउनु हो : आचार्य प्रशांत

विराटनगर । अध्यात्मको वास्तविक अर्थ अन्धविश्वास र मान्यतालाई हटाउनु रहेको छ । अध्यात्मको यात्रामा‌ विज्ञान सबैभन्दा धेरै सहयोगी हुने धर्मगुरु आचार्य प्रशांतले बताउनु भयो। विज्ञानले तथ्यलाई उजागर गर्छ । कुनै पनि कुराको वास्तविक अर्थ जान्नु नै अध्यात्मको यात्रामा‌ अगाडि बढ्नु हो ।’ उहाँ भन्नुहुन्छ ,’ विशेषत हिन्दु समुदायमा सर्पले दुध खान्छ भन्ने मान्यता‌ छ । धार्मिक वा सांस्कृतिक प्रसंगहरूमा सर्पलाई दुध चढाउने परम्परा पाइन्छ, तर त्यो विश्वासको विषय हो, वैज्ञानिक सत्य होइन। सर्पको शरीरमा दुध पचाउने क्षमता हुँदैन। केही अवस्थामा सर्पलाई जवरजस्ती दुध खुवाइएमा बिरामी परेर मर्न सक्छन। यस्ता धेरै गलत मान्यता छन् जसलाई हामीले सत्य मानेर बसेका छौ । तर त्यो वास्तवमा अज्ञानको परिणाम हो ।’ धर्मको नाममा गरिने बली , कर्म काण्ड, फजुल खर्च र जातिय विभेदका कारण वास्तविक धर्मको पहुँचबाट मानिसको ठुलो हिस्सा काटिएको आचार्य प्रशांतको भनाई छ । धर्ममा कुनै बिभेद नभएको पनि उहाँले बताउनु भएको छ ।

उहाँ २० बर्षभन्दा धेरै समयदेखि भागवत गीता, वेदान्त,‌ संत सरिता, उपनिषद र बिभिन्न धर्म‌ग्रन्थ पढाउदै आउनुभएको छ।

आचार्य प्रशांतको शिक्षासँग जोडिएर ५० हजार भन्दा धेरै परिवारले मांसाहारी खाना खान छाडेका छन् । परिणाम स्वरूप १० लाख जनावर काट्नबाट जोगिएको विभिन्न संचारमाध्यमले जनाएको छन् ।

आचार्य प्रशांतको शिक्षासँग जोडिएपछि मानिसहरुले आफ्नो जीवनमा ठुलो परिवर्तन आएको पनि बताएका छन् ।