खाेटाङमा भाैतिक पूर्वाधार मन्त्रीविरुद्ध नाराबाजी र अवराेध

विराटनगर । कोशी प्रदेशका भौतिक पूर्वाधार विकास मन्त्री भूपेन्द्र राईविरुद्ध खाेटाङमा नाराबाजी भएकाे छ । बिहीबार खोटाङको साकेला गाउँपालिका– ३ को खिदिमा ढाँडे पुग्नुभएका मन्त्री राईविरुद्ध नाराबाजी भएकाे हाे । स्वास्थ्य मन्त्रीसमेत रहेनुभएको राई बुधबार खोटाङ पुग्नुभएको थियो । बिहीबार दिउँसाे साकेला– ३ मा सर्वदलीय सर्वपक्षीय नागरिक भेटघाट कार्यक्रम राखिएको थियो ।

तर उहाँ कार्यक्रम स्थल पुग्नु अघि गेटमा साकेला गाउँपालिका अध्यक्ष रविप्रकाश राईसहितले प्रवेश गर्न नदिने भन्दै अवराेध गरेको थियो ।

अध्यक्ष राईले पालिकाको याेजना कटाैती भएपछि स्थानीयले आक्रोश व्यक्त गरेको बताउनुभयो । पालिकाकाे बजेट अन्यन्त्र लगिएकाे बताउँदै उहाँले पालिका प्रमुख भएका कारण स्थानीयको नेतृत्व गर्दै मन्त्रीको कार्यशैलीको विरोध गरेको बताउनुभयो।

प्रहरीले बल प्रयाेग गरेर मन्त्री राईलाई सुरक्षित स्थान तर्फ लगेकाे थियाे । त्यसपछि कार्यकर्ताले नाराबाजी गरे ।