ईसाइ धर्मगुरु पोप फ्रान्सिसको आज अन्त्येष्टि गरिँदै : विश्वका शीर्ष नेताहरू सहभागी

ईसाइ धर्मगुरु पोप फ्रान्सिसको आज अन्त्येष्टि गरिँदैछ । उहाँको गएको सोमवार ८८ वर्षको उमेरमा भ्याटिकन सिटीमा निधन भएको थियो । शवलाई सान्टा मार्टा आवासको चर्चबाट बुधवारदेखि अन्तिम दर्शनका लागि सेन्ट पिटर्स बासिलिकामा सारिएको थियो । भ्याटिकनले स्वर्गीय पोपलाई श्रद्धाञ्जली दिन तीन दिनमा २ लाख ५० हजारभन्दा धेरै मानिस आएका जानकारी दिएको बीबीसीले उल्लेख गरेको छ ।

सन् २०१३ मा पोप बेनेडिक्टको उत्तराधिकारीका रुपमा पोप बनेका उनी ल्याटिन अमेरिकाका पहिलो पोप हुन ।

पोप फ्रान्सिसको अन्त्येष्टि समारोहमा अमेरिकी राष्ट्रपतिसहित विश्वका शीर्ष नेताहरू सहभागी हुँदैछन् । उहाँको अन्त्येष्टिसँगै नयाँ पोप चयन प्रक्रिया पनि शुरू हुनेछ ।