भरतपुरकाे मुख्य शहरी क्षेत्रको पुल्चोक–गोन्द्राङ ६ लेन सडक खण्डको उद्घाटन    

विराटनगर । चितवनकाे भरतपुर महानगरपालिकाको मुख्य शहरी क्षेत्रको पुल्चोक–गोन्द्राङ ६ लेन सडक खण्डको प्रधानमन्त्री केपी शर्मा ओलीले उद्घाटन गरेका छन् । पुल्चोकदेखि गोन्द्राङसम्म ६ किलोमिटर दूरीको खण्ड विस्तारको शिलान्यास यसअघि प्रधानमन्त्री हुँदा ओलीले नै गर्नुभएको थियो । याे सडक खण्डकाे २०७७ साल माघ १७ गते शिलान्यास भएको थियो । एक अर्ब १३ करोड रुपैयाँको लागतमा सडक विस्तारको काम पूरा भएको हो । आज सडक उद्घाटन कार्यक्रममा पुगेका प्रधानमन्त्री ओलीलाई स्वागत गर्न भरतपुर महानगरकी मेयर रेनु दाहाल विमानस्थलमै पुगेकी थिइन् ।