बोगटीको नेतृत्वमा महेन्द्र मोरङ स्ववियु चुनावमा अखिलको टिम

विराटनगर। विराटनगरस्थित महेन्द्र मोरङ आदर्श बहुमुखी क्यामपसको स्वतन्त्र विद्यार्थी युनियन निर्वाचनका लागि एमालेनिकट विद्यार्थी संगठन अनेरास्ववियुका तर्फबाट अनिश बोगटी सहितको टिमले प्रतिस्पर्धा गर्दैछ ।

अध्यक्षमा बोगटी, सचिवमा रिङ्कुकुमारी चौधरी र कोषाध्यक्षमा मन्दिप पोखरेल उम्मेदवार बनेका छन्। यसैगरी सदस्यहरुमा प्रवीण घिमिरे, कृपा बुढाथोकी, शैलेन्द्र साह, रोमान्सकुमार खवास, जुनेश नेपाल, उदयप्रसाद गुप्ता रौनियार, कृताञ्जली श्रेष्ठ र सुमन खड्कालाई उम्मेदवार बनेर चुनावी मैदानमा होमिएका छन् ।

त्रिविले स्ववियु निर्वाचनको प्रचारप्रसारका लागि फागुन २९ गते दिनको २ बजेदेखि चैत २ गते राति १२ बजेसम्मका लागि समय तोकेको छ। निर्वाचन आगामी चैत ५ गते हुँदैछ।