फिलिपिन्सका पूर्वराष्ट्रपति पक्राउ

फिलिपिन्सका पूर्वराष्ट्रपति रोड्रिगो डुटेर्टे पक्राउ परेका छन् । मानवताविरुद्धको अपराधको आरोपमा उनी पक्राउ परेका हुन् ।

अन्तर्राष्ट्रिय फौजदारी अदालत (आईसीसी)ले मानवताविरुद्धको अपराधको आरोप लगाउँदै डुटेर्टेविरुद्ध पक्राउ वारेन्ट जारी गरेको थियो ।

हङकङबाट फर्किएपछि फिलिपिन्सको राजधानी मनिला विमानस्थलबाट उनलाई प्रहरीले पक्राउ गरेको विभिन्न सञ्चारमाध्यमले जनाएका छन् ।

सन् २०१६ देखि २०२२ सम्म दक्षिणपूर्वी एसियाली राष्ट्रको राष्ट्रपति रहँदा डुटेर्टेले लागुऔषध विरोधी कारबाहीको नेतृत्व गरेका थिए । उक्त कारबाहीमा हजारौंको मृत्यु भएको थियो।

आफ्नो सम्भावित गिरफ्तारीको बारेमा बोल्दै उनले आफू जेल जान तयार रहेको स्पष्ट पारेका थिए ।