बेलायती राजदूतले मनाए जानकी मन्दिरमा वैवाहिक वर्षगाँठ

शनिबार बिहान जानकी मन्दिर परिसरमा नेपाली पोशाक लगाएर उनीहरूले वर्षगाँठ मनाएका हुन्। सो क्रममा स्वस्तिक वाचन गरिएको थियो।

राजदूत फेन दम्पतीले जानकी मन्दिर माया, आस्था र विश्वासको प्रतीक रहेकाले आफूहरूले वैवाहिक वर्षगाँठ यही मनाएको बताए। यहाँ वर्षगाँठ मनाउँदा आफूलाई विवाह गरेको जस्तो अनुभुति भइरहेको उनकाे भनाइ छ। उनले आफूहरू अत्याधिक खुशी रहेको भन्दै ब्रिटिश नागरिकलाई जनकपुरधामको भ्रमण गर्न आग्रह समेत गरे।

मधेस प्रदेशकी शिक्षा तथा संस्कृति मन्त्री तिवारी मधेसमा हुने विवाहको प्रक्रिया विधिहरू उत्कृष्ट रहेको भन्दै यसलाई अगाडि बढाउनुपर्ने र यसका लागि सरकार लागि परेको बताइन्।