चितवनमा १२ घन्टा चल्यो रवि लामिछानेको बयान

चितवनस्थित साहरा सहकारीको रकम हिनामिनाको आरोपमा त्यहाँ लगिएका राष्ट्रिय स्वतन्त्र पार्टीका सभापति तथा  पूर्वगृहमन्त्री रवि लामिछानेको बयान १२ घन्टासम्म चलेको छ।

लामिछानेले दिनभरिमा ७४ वटा प्रश्नको जवाफ दिएका थिए भने बिहानबेलुकाको खाना नै उनलाई त्यहीँ खुवाइएको थियो। उनले सम्पत्तिका विषयमा दिएका कतिपय जवाफ बाझेको स्रोतले जानकारी दिएको थियो।

पर्सा प्रहरीले उनीबिरुद्ध पक्राउ पुर्जी जारी गरेकाले उनलाई यसपछि त्यसतर्फ लगिने समेत प्रहरीले जानकारी दिएको छ।