राप्रपा नेपालमा प्रवेश गरे बल्लभ दाहाल

राप्रपा नेपाल मोरङले बुधबार विराटनगरमा आयोजना गरेको पार्टी प्रवेश कार्यक्रममा बल्लभ दाहालसँगै नेपाल विद्त परिषद मोरङका अध्यक्ष पुष्पराज दाहाल राप्रपा नेपालमा प्रवेश गरेका छन् । पूर्वराजा र राजसंस्था फर्काउन आन्दोलन गर्ने उद्देश्यका साथ बल्लभ दाहालले पछिल्लो समय एकीकृत राष्ट्रिय संघर्ष समिति मोरङको गठन गरेर अभियान संचालन गरिरहेका थिए ।

राप्रपा नेपालका केन्द्रिय अध्यक्ष एवं पूर्वउपप्रधानमन्त्री कमल थापाले बल्लभ दाहाललाई पार्टीमा प्रवेश गराएर स्वागत गरे । राप्रपा नेपाल कोशी प्रदेश संयोजक माधव आचार्य र मोरङ जिल्ला अध्यक्ष कुमार ढकालले बल्लभ दाहाललाई पार्टीमा स्वागत गरेका थिए ।