३१ वटा विद्यालयलाई पछि पार्दै मदरल्याण्ड एकेडेमी बन्यो नगर प्रथम

विराटनगर । ‘स्पेलिङ कन्टेस्ट’ मा विराटनगरको मदरल्याण्ड एकेडेमीले प्रथम स्थान हासिल गरेको छ । ‘प्याब्सन स्पेलिङ कन्टेस्ट–२०८१’ अन्तर्गत आज सम्पन्न भएको नगरस्तरीय प्रतियोगितामा मदरल्याण्डले प्रथम स्थान हासिल गरेको हो ।

मदरल्याण्ड एकेडेमीले उक्त प्रतियोगितामा प्रथम स्थान हासिल गरेको यो लगातार १३औँ पटक भएको  विद्यालयका कोअर्डिनेटर बिभव लाभले जनाएका छन् ।

प्रतियोगितामा विराटनगर महानगरभरिका विभिन्न ३२ वटा विद्यालयहरुको सहभागिता थियो । अरु विद्यालयलाई पछि पार्दै मदरल्याण्ड प्रथम हुन सफल भएको हो ।

विभिन्न पाँचवटा समूह बनाएर प्रतिस्पर्धा गराइएको थियो । मदरल्याण्ड रहेको समूहमा अरु प्रतिस्पर्धी बिकेभिएम, सगरमाथा, शिक्षादीप, हेरिटेज र स्टार स्कुल पनि थिए ।