कोशी प्रदेशमा सरकारबाट बाहिरिन माओवादी र जसपालाई कांग्रेसको आग्रह

विराटनगर । नेपाली कांग्रेसले कोशी प्रदेश सरकारबाट बाहिरिन नेकपा माओवादी केन्द्र र जनता समाजवादी पार्टीलाई आग्रह गरेको छ। नेपाली कांग्रेसको बिहीबार बसेको कोशी प्रदेश संसदीय दल बैठकले माओवादी केन्द्र र जसपालाई तत्काल सरकार छाड्न आग्रह गर्दै पत्र पठाउने निर्णय गरेको हो।

केन्द्र र प्रदेश सरकारको संरचना फरक नहोस भन्ने उद्देश्यसहित औपचारिक रुपमा पहिलोपटक समर्थन फिर्ता लिन आग्रह गरिएको कांग्रेस संसदीय दलका नेता उद्वव थापाले जानकारी दिए ।

बैठकपछि दलका नेता थापाले सरकारबाट दुवै दलले समर्थन फिर्ता लिएपछि नयाँ सरकारको संरचना तयार हुने उनले बताए ।

बैठकले प्रदेश सभाले सांसदका लागि वितरण गर्न लागेको ल्यापटप सदनमा रहेका २९ जना कांग्रेस सांसदले नलिने निर्णय गरेको छ ।