चेन्नईलाई हराएपछि कोलकाताको प्ले अफ पुग्ने सम्भावना जीवितै

इन्डियन प्रिमियर लिग (आईपीएल) मा कोलकाता नाइट राइडर्सले चेन्नई सुपर किंग्सलाई ६ विकेटले हराउँदै प्ले अफमा छनौट हुने सम्भावना जीवितै राखेको छ । यता पराजित चेन्नईलाई प्ले अफमा पुग्न अर्को खेल कुर्नुपर्ने भएको छ ।

चितम्बरम् रंगशालामा भएको खेलमा घरलु टोली चेन्नईले टस जितेर पहिले ब्याटिङ गरेको थियो । चेन्नईले निर्धारित २० ओभरमा ६ विकेट गुमाएर एक सय ४४ रन बनाएको थियो । सिभम दुवेले ४८ रन बनाए । डेभोन कन्वेले ३०, रविन्द्र जडेजाले २० रन थपे । वरुण चक्रवर्ती र सुनील नरिनले २ – २ विकेट हात पारे ।

जवाफमा उत्रिएको कोलकाताले कप्तान नितेश राना र रिकुं सिंहको अर्धशतकीय साझेदारीको मद्दतमा ९ बल बाँकी हुँदा ४ विकेट गुमाएर लक्ष्य पूरा गर्‍यो । कप्तान राना र रिकुं मिलेर चौथो विकेटका लागि ९९ रनको साझेदारी गरे । राना ५७ रनमा अविजित रहे । उनले ४ चौका र १ छक्का प्रहार गरेका थिए । कोलकाताका संकट मोचक रिंकुले ४ चौका र ३ छक्का प्रहार गर्दै ५४ रनको पारी खेले । दीपक चाहरले ३ विकेट हात पारे ।

कोलकाताले हिजो पराजय ब्यहोरेको भए लगभग प्ले अफ सम्भावाना सकिने थियो । सातौँ स्थानमा रहेको कोलकाताको १२ अंक छ । चेन्नई १५ अंकसहित दोस्रो स्थानमा छ ।