घुस लिइरहेको अवस्थामा शिक्षा अधिकृत पक्राउ

ललितपुर । ललितपुर महानगरपालिकाको शिक्षा महाशाखामा कार्यरत शिक्षा अधिकृत (सातौं तह) शेषकान्त पौडेललाई अख्तियार दुरुपयो अनुसन्धान आयोले घुस लिइरहेको अवस्थामा पक्राउ गरेको छ ।

पौडेले शिक्षक सरुवा गर्न सहजीकरण गरिदिएवापत सेवाग्राहीसंग घुस–रिसवत माग गरिरहेको भन्‍ने सूचना एवं उजुरीका आधारमा आयोगको टोलीले पक्राउ गरेको हो ।

पौडेललाई सेवाग्राहीबाट एक लाख रुपियाँ घुस लिइसकेको अवस्थामा नियन्त्रणमा लिएको छ ।

पौडेलविरुद्ध एक लाख विगो कायम गरी जरिवाना तथा कैद सजाय मागसहित बुधबार विशेष अदालतमा मुद्दा दायर गरेको छ।