रविले ३ हजार १६६ मत ल्याउँदा रामप्रसादको १७ सय २५

काठमाडौँ । चितवन क्षेत्र नम्बर २ को मतगणनामा राष्ट्रिय स्वतन्त्र पार्टीबाट रवि लामिछानेले अग्रता कायम गरेका छन् ।

पछिल्लो मत परिणाम अनुसार रविले ३१ सय ६६ मत ल्याउँदा एमालेका रामप्रसाद न्यौपानेले १७ सय २५ मत ल्याएका छन् ।
यस्तै, गठबन्धनबाट कांग्रेसका जीतनारायण श्रेष्ठले १२ सय ४३ मत ल्याएका छन् ।

मंसिर ४ को निर्वाचनमा यो क्षेत्रबाट लामिछाने निर्वाचित भएका थिए । उनको नागरिकता विवाद भएपछि पदमुक्त भएका थिए ।

त्यो बेला८३९५६ जनाले मतदान गरेको निर्वाचनमा लामिछानेले ४९२६४ भोट पाएका थिए । उनी देशभरमै सबैभन्दा फराकिलो मतान्तरले विजय भएका थिए ।

यो पटक १ लाख २४ हजार ६ सय ९५ जना मतदाता रहेको यस क्षेत्रमा ७८ हजार २ सय ७७ मत खसेको छ ।