उद्योग वाणिज्य महासंघको नयाँ नेतृत्व चयन गर्न आज निर्वाचन

महासंघका ६४ मध्ये ४ सदस्य निर्विरोध निर्वाचित भइसकेका छन् । बाँकी ६० पदमा आज १ सय १२ उम्मेदवारबीच प्रतिस्पर्धा हुँदैछ ।

वरिष्ठ उपाध्यक्षका लागि उमेशलाल श्रेष्ठ, अन्जन श्रेष्ठ र रामचन्द्र संघई प्रतिस्पर्धामा छन् । महासंघको विधानमा वरिष्ठ उपाध्यक्ष स्वतः अध्यक्ष हुने प्रावधान छ । जसअनुसार वर्तमान वरिष्ठ उपाध्यक्ष चन्द्रप्रसाद ढकाल नेतृत्वमा नयाँ कार्यसमिति चयन हुनेछ । ढकाल चैत ३० देखि स्वत: महास‌ंघको अध्यक्ष बन्नेछन् ।