राष्ट्रपतिसँग कार्यकारी अधिकार हुँदैन, तर, दलहरुले कार्यकारी पदाधिकारीकै चुनावको झल्को दिने गरी प्रचार गरिरहेका छन् ।
उम्मेदवारलाई नै राखेर सम्मेलन गर्ने, पार्टी कार्यालयमा मत माग्न जाने तथा पार्टी र सांसदहरुलाई एक एक गरी पत्राचार गर्ने लगायतका शैली दलहरुले अपनाएका छन् ।नेपाली कांग्रेस नेता रामचन्द्र पौडेललाई राष्ट्रपतिमा जिताउन आठ दलले बिहीबार काठमाडौंमा प्रतिनिधिसभा र राष्ट्रियसभा सदस्यलाई प्रशिक्षण कार्यक्रम आयोजना गर्यो ।
कार्यक्रममा प्रधानमन्त्री पुष्पकमल दाहाल, कांग्रेस सभापति शेरबहादुर देउवा, एकीकृत समाजवादीका अध्यक्ष माधवकुमार नेपाल, लोकतन्त्रिक समाजवादीका अध्यक्ष महन्थ ठाकुरलगायत शीर्ष नेताहरुले राष्ट्रपतिमा पौडेललाई मतदान गर्न आग्रह गरे ।आठदलीय गठबन्धनले सातै प्रदेशमा कांग्रेसका पदाधिकारीलाई जिम्मेवारी नै तोकेर पठाएको छ ।
राष्ट्रिय स्वतन्त्र पार्टी र र राप्रपाको पनि साथ लिने गठबन्धनको तयारी छ । पौडेलले रास्वपाका सभापति रवि लामिछानेलाई भेटेर मत दिन आग्रह गरिसकेका छन् । कांग्रेसले प्रत्येक सांसदलाई पत्र पठाएको छ ।
Like us on Facebook
Follow us on Instagram
Subscribe YouTube Channel
Follow us on Tiktok