भारतलाई हराउँदै अस्ट्रेलिया सातौँ पटक फाइनलमा

बिहीबार केपटाउनमा भएको सेमिफाइनलमा साविक उपविजेता भारतलाई ५ रनले पराजित गर्दै साविक च्याम्पियन अस्ट्रेलिया लगातार तेस्रो पटक र समग्रमा सातौँ पटक महिला  टी-२० विश्वकपको फाइनलमा प्रवेश गरेको हो।

पहिलो ब्याटिङ गरेको अस्ट्रेलियाका लागि बेथ मोनीले ५४ रनको अर्धशतकीय इनिङ खेलिन। त्यस्तै कप्तान मेघ लानिङले ४९ रनको अविजित इनिङ खेल्दा ओपनर एलिसा हेलीले २५ रन बनाएकी थिइन। त्यस्तै एस्लेइघ गार्डनरले टिमका लागि ३१ रन बनाउँदा भारतको दुई विकेट समेत हात पारिन उनी प्लेयर अफ द म्याच घोषित भइन।