गरिबी घटाउन सहकारीको माध्यमले स्रोत बढाइने

विराटनगर । भूमि व्यवस्था सहकारी तथा गरिबी निवारण मन्त्री राजेन्द्रकुमार राईले नागरिकको गरिबी घटाउन सहकारीका माध्यमबाट आर्थिक स्रोत बढाइने बताएका छन् ।

धनकुटा नगरपालिकामा रहेको गोकुण्डेश्वर बालमन्दिर नमुना माध्यमिक विद्यालयको नवनिर्मित आठ कोठे भवनको उद्घाटन कार्यक्रममा बोल्दै मन्त्री राईले यस्तो बताएा हुन् ।

देशको अर्थतन्त्र निराशाजनक रहेकोले मन्त्री राईले यसलाई सहकारीका माध्यमबाट देशमा उपलब्ध श्रोत र साधनको प्रयोग गरेर नागरिकहरूको आय उपार्जनको बाटो सुधार गर्न सरकार लागि परेको बताए ।

‘अब बिस्तारै छोराछोरी विदेश जाँदा स्याबासी दिनु पर्ने बाध्यताको अन्त्य गर्न सरकार लागि परेको छ’ मन्त्री राईले भने ।