यस्ता छन् विद्यार्थीले बनाएका चित्रहरू

विराटनगर । विद्यार्थीको प्रतिभा उजागर गर्ने उद्देश्यले आयोजना गरिएको चित्रकला प्रतियोगितामा विद्यार्थीले विभिन्न विषयमा चित्र सिर्जना गरेका छन् ।

विराटनगरको मदरल्याण्ड एकेडेमीमा आयोजित प्रतियोगितामा उनीहरुले बनाएका चित्रहरु यहाँ प्रस्तुत गरिएको छ ।

कक्षा १ देखि ५ सम्मका विद्यार्थीबीच भएको प्रतियोगितामा विराटनगरस्थित पोलस्टार सेकेन्डरी स्कुलका रिदम दाहाल प्रथम भएका थिए ।

विराटनगरकै डीपीएस स्कुलका कृति राय दोस्रो तथा रंगेलीको नेपाल आदर्श सेकेन्डरी स्कुलका सुमन तामाङ तेस्रो भएका थिए ।

विराटनगरको बुढानीलकण्ठ सेकेण्डरी स्कुलकी रोनिशा दासले चौथो हुँदै सान्त्वना पुरस्कार प्राप्त गरिन् ।

यसैगरी कक्षा ६ देखि १० सम्मका विद्यार्थीबीच भएको प्रतियोगितामा माउन्ट मकालु सेकेन्डरी स्कुलका चञ्चल मण्डल प्रथम भए भने बुढानीलकण्ठ सेकेन्डरी स्कुलकी वर्षा शर्मा दोस्रो भइन् ।

तेस्रो स्थानमा विराटनगरको ग्रडेड सेकेन्डरी स्कुलकी कृतिका यादव आइन् भने चौथो स्थानमा आएका विराटनगरको मदरल्याण्ड एकेडेमीका निशान्त साहले सान्त्वना पुरस्कार प्राप्त गरे ।

प्रतियोगितामा १४३ जना विद्यार्थीको सहभागिता थियो । विराटनगरका १०५ जना तथा विराटनगर बाहिरका विद्यालयबाट ३८ जना विद्यार्थीको सहभागिता थियो ।