देउवा र सभामुख घिमिरे सांसद भण्डारीको स्वास्थ्य अवस्था बुझ्न पुगे् अस्पतालमा

विराटनगर। गम्भीर घाइते भएका सांसद भण्डारीलाई भेट्न नेपाली कांग्रेसका सभापति शेरबहादुर देउवा कीर्तिपुरस्थित बर्न अस्पताल पुगेका छन् । सांसद चन्द्र भण्डारी र उनकी आमा हरिकला भण्डारी खाना पकाउने ग्याँस सिलिण्डर विस्फोटबाट घाइते भएका थिए ।

बिहीबार बिहान अस्पताल पुगेका देउवाले आगोले जलेर घाइते भएका सांसद चन्द्र भण्डारी र उनकी आमाको स्वास्थ्य अवस्थाबारे जानकारी लिएका छन ।

प्रतिनिधिसभाका सभामुख देवराज घिमिरे पनि बर्न अस्पताल पुगेका छन् । उनले सांसद भण्डारीको स्वास्थ्य अवस्थाबारे अस्पतालका प्रमुख डा. किरण भण्डारीसँग जानकारी लिँदै उपचारमा कमी हुन नदिन र संवेदनशील हुन पनि ध्यानाकर्षण गराएका छन् ।

वरिष्ठ नेता महामन्त्री गगन कुमार थापा, रामचन्द्र पौडेल, नेता शेखर कोइराला,प्रदीप पौडेल, लुम्बिनी प्रदेशका सभापति अमरसिंह पुन लगायतका नेताहरू उनीहरुको स्वास्थ्य अवस्थाबारे जानकारी लिन अस्पताल पुगेका थिए ।