मापसे गरी झगडा गरेको आरोपमा कलाकार पक्राउ

बेलबारी । म्याकुरीको नामले परिचित कलाकार पवन खतिवडा सहित २ जनालाई मादक पदार्थ सेवन गरी झगडा गरेको आरोपमा ईलाका प्रहरी कार्यलय बेलबारीले नियन्त्रणमा लिएको छ ।

मंगलबार राति बेलबारी १ मा रहेको एक होटलमा मादक पदार्थ सेवन गरी बेलबारी ४ का एक युवालाई टाउकोमा प्रहार गरी टाउको फुटाईदिएका थिए ।

होटलबाट बाहिर निस्किएर झगडा गरेको प्रहरीलाई स्थानीयले खबर गरेपछि उनीहरुलाई नियन्त्रणमा लिईएको ईलाका प्रहरी कार्यलय बेलबारीका ईन्स्पेक्टर खगेन्द्र धमलाले जानकारी दिएका छन ।

पिडित पक्ष ईलाकामा आएर सहमति नगरे सम्म खतिवडा प्रहरी नियन्त्रणमा रहने समेत उनले बताए । पिडितलाई भने अस्पताल लगिएको छ ।