एक्स्पोमा एनजेके अर्थात नितेश जंग कुवँर

विराटनगर । विराटनगर–२ शंकरपुर मार्गमा जारी सीएनआई कोसी एक्स्पोमा बुधबारको सन्ध्याकालिन सांगीतिक माहौल बनाउन ‘एनजेके भाइब्स’ अर्थात नितेश जंग कुँवरले आफ्नो प्रस्तुति दिने भएका छन् ।

उनको ‘हाम्रो नेपालमा, फ्लर्टी माया, निष्ठुरी मोरी, गेडै जस्तो जिन्दगी, लौन के गर्ने, पीडित, बुझेउ होइन कुरा, लैबरी लै लै, छुट्टी, साथ सँधैको, बाल छैन, फस्र्ट डेट’ लगायतका दर्जनौं गीत चर्चित छन् ।
नितेश जंग अहिलेको युवा पुस्तामाझ चर्चित ‘मेडिलियस पप एण्ड रक’ गायकका रुपमा चिनिन्छन् । त्यहि भएर उनको फ्यान फलोइङ पनि धेरै रहेका छन् ।
‘एनजेके भाइब्स’ का साथै बुधबार विराट चोकस्थित स्थानीय ‘नमूना ब्याण्ड’ को तर्फबाट पनि आफ्नो प्रस्तुति रहने जनाइएको छ ।

एक्स्पोमा टिकट काट्ने समय र टिकटको दरलाई निकै सहज बनाइएको छ । बेलुका साढे ६ बजेसम्म १०० रुपैया“मा टिकट पाइने छ । ९ कक्षा मुनिका विद्यार्थीहरुका लागि भने उक्त समयभित्र टिकट दर ५० रुपैया“ मात्रै रहेको छ । साढे ६ बजेपछि भने टिकट दर २०० रुपैया“ नै रहने छ ।
टिकट काटिसकेका अवलोकनकर्ताहरुले जुनसुकै समयमा पनि प्रवेशद्वारबाट सहज रुपमा एक्स्पो स्थलमा प्रवेश पाउने व्यवस्था गरिएको जनाइएको छ ।