तराईमा कुहिरो र हुस्सु, उच्च पहाडी र हिमाली भू–भागमा हिमपातको सम्भावना

आज पनि देशका पहाडी भू–भागमा आंशिक बदली भएको छ । तराईका धेरै भू–भागहरुमा हुस्सु र कुहिरो लागेको छ । आज दिउँसो देशका पहाडी भू–भागमा आंशिकदेखि सामान्य बदली तथा बाँकी भू–भागमा मौसम सामान्यतया सफा रहनेछ ।

हिमाली भू–भागका थोरै स्थानहरूमा हल्का हिमपातको पनि सम्भावना रहेको मौसम पूर्वानुमान महाशाखाले जनाएको छ । आज राती पनि दिउँसोको जस्तै मौसम प्रणाली रहने जनाएको छ ।

मंगलबार पनि देशका पहाडी भू–भागमा आंशिकदेखि सामान्य बदली रही बाँकी भू–भागमा आंशिक बदली देखि मौसम सामान्यतया सफा रहनेछ ।

मौसम पूर्वानुमान महाशाखाका अनुसार प्रदेश नं १ र गण्डकी प्रदेशका उच्च पहाडी तथा हिमाली भू–भागका एक वा दुई स्थानमा हल्का हिमपातको सम्भावना रहेको छ ।