च्याउ खेती गर्दै गुरुकुलका विद्यार्थीहरू

यो परियोजनामा कक्षा ८ का २८ जना विद्यार्थीहरुलाई ५ वटा समुहमा बिभाजन गरिएको थियो । जसमा केही विद्यार्थीहरुले पराल र केहिले गहुँको भुसमा च्याउ रोपेका थिए । जसको उद्देश्य गहुँको भुसमा वा परालमा कुनमा बढि च्याउ फल्छ भन्ने पत्ता लाउनु रहेको विद्यार्थीले बताए ।

सो च्याउलाई विद्यार्थीहरुले प्रति किलो रु २४० रुपैयाँका दरले विद्यालयमै अभिभावकहरुलाई बेचेका थिए । प्रति पोका च्याउको उत्पादन लागत १६७ रुपैया र पहिलो पटक नै उत्पादन भएको प्रति पोका च्याउबाट रु १६३ आम्दानी भएको थियो । एक पोका च्याउको बिउलाई ६० रुपैया पर्ने हुनाले नगरपालिकाले सो बिउ किसानहरुका लागि निशुल्क उपलब्ध गराउने हो भने च्याउबाट किसानहरुले राम्रो लाभ पाउने देखिएको समुह ३ का विद्यार्थीहरुले बताए ।