एकीकृत समाजवादी संसदीय दलको नेतामा राई

विराटनगर । नेकपा एकीकृत समाजवादी पार्टी प्रदेश १ को संसदीय दलको नेतामा राजेन्द्र राई चयन भएका छन् । मंगलवार बसेको बैठकले नेतामा पूर्वमुख्यमन्त्री राईलाई चयन गरेको हो हो ।

मुख्यमन्त्री हिक्मतकुमार कार्की नेतृत्वको सरकारले गरेका काम हेरेर मात्रै समर्थन गर्ने या नगर्ने भन्ने निष्कर्षमा पुगिने नेकपा एकीकृत समाजवादीले जनाएको छ ।

मुख्यमन्त्री कार्कीलाई विश्वासको मत दिने वा नदिने भन्ने विषयमा छलफल गरी निर्णय गरिने पार्टीले जनाएको छ ।

प्रदेशसभामा समाजवादीका चारजना सांसद छन् ।