आगलागीमा परी दुईजनाको मृत्यु

विराटनगर । पाँचथरको फिदिम नगरपालिका ८ मा भएको आगलागीमा दुईजनाको मृत्यु भएको छ । स्थानीय मेगबहादुर गुरुङको घरमा आगलागी हुँदा उनकी छोरी र बुहारीको मृत्यु भएको हो ।

मृत्यु हुनेमा २३ वर्षीया आसानसिंह थेबे र २२ वर्षीया ममता गुरुङ रहेको जिल्ला प्रहरी कार्यालय पाँचथरले जनाएको छ ।

आगलागीमा ५५ वर्षीय मेघबहादुर गुरुङ र छोरा बिजेन्द्र गुरुङ घाइते भएका छन् । घाइतेको अवस्था सामान्य रहेको प्रहरीले जनाएको छ ।

आगलागीबाट ५० लाख रुपैयाँ बराबरको क्षति भएको प्रहरीको प्रारम्भिक अनुमान छ ।