रंगेली नगरपालिका–१ बबियाका मनोज राजवंशीको गाई ग्वाली, कुखुराको खोर र परालको माचभित्र लुकाएर राखेको अवस्थामा अन्दाजी ३ सय किलो गाँजा बरामद भएको मोरङ प्रहरीले जनाएको छ ।
उनका अनुसार विशेष सूचनाका आधारमा जिल्ला प्रहरी कार्यालय मोरङ र इलाका प्रहरी कार्यालय रंगेलीबाट खटिएको संयुक्त टोलीले खानतलासी गर्दा दिउँसो ४ः३० बजेतिर गाँजा फेला परेको हो ।१५ वटा बोरामा हालेर लुकाएको अवस्थामा बरामद गरिएको गाँजा थप अनुसन्धानका लागि साँझ विराटनगरस्थित जिल्ला प्रहरी कार्यालयमा ल्याइएको छ ।
गाँजा बरामद भएपछि अन्दाजी ४२ वर्षीय राजवंशीसहित धनकुटाको शहीदभूमि गाउँपालिका–२ का २९ वर्षीय बेचन भनिने हस्त राईलाई पक्राउ गरिएको एसपी शान्तिराज कोइरालाले बताए ।प्रहरीको प्रारम्भिक अनुसन्धानबाट धनकुटादेखि राईले लागूऔषध गाँजा ल्याउने र राजवंशीले लुकाउनका लागि ठाउँ दिने गरेको खुलेको छ ।
उनीहरु दुबै जना गाँजाको कारोबार एवं तस्करीमा संलग्न भएको हुनसक्ने प्रहरीको प्रारम्भिक अनुमान छ ।
Like us on Facebook
Follow us on Instagram
Subscribe YouTube Channel
Follow us on Tiktok