विराटनगर । बंगलादेशमा हुने अन्तर्राष्ट्रिय प्रतियोगितामा सहभागी हुने नेपाली राष्ट्रिय कराते खेलाडीहरूलाई पूर्वी नाका काँकडभिट्टामा बिदाइ गरिएको छ।

बंगलादेशमा हुने अन्तर्राष्ट्रिय बिजी कराते च्याम्पियनसिप २०२२ मा सहभागिताका लागि प्रस्थान हुने खेलाडीहरूलाई बिदाइ गरिएको हो।

बंगलादेशमा डिसेम्बर २७ देखि २९ सम्म प्रतियोगिता सञ्चालन हुँदैछ । प्रतियोगितामा सहभागी हुने खेलाडीहरूलाई मेचीनगर नगरपालिका प्रमुख गोपालचन्द्र बुढाथोकी, उपप्रमुख मिना पोखरेल उप्रेतीसहित विभिन्न सङ्घसंस्था र खेलकुदमा आबद्ध प्रतिनिधिहरूले बिदाइ गरेका हुन्।

बंगलादेश प्रस्थान गरेको टोलीमा प्रशिक्षक विनोद शाक्य, रेफ्री बमबहादुर श्रेष्ठ, टिम मेनेजर अबिसा शाक्य कुबेरमान राई र बाबुराम श्रेष्ठ अफिसियलसहित खेलाडीहरू प्रमोद राई, अनिल पाण्डे, धनकुमार राई, आर्या शाक्य, विकास केसी, नुदेन साम्पाङ राई, आशिष् राई, कर्मा लामा, कार्साङ्ग तामाङ, नवीन पुन मगर, प्रकाश ओली, विवेक गुरुङ र दीपक खड्का छन्।

42
Shares
१२ पुष २०७९, मंगलवार ०७:०९