विराटनगरमा वडा स्तरीय हाजिरीजवाफ प्रतियोगिता हुँदै

विराटनगर । विराटनगरमा वडास्तरीय हाजिरीजवाफ प्रतियोगिता आयोजना गरिने भएको छ ।

विराटनगर महानगरपालिका वडा नं ७ ‘वडा बाल सञ्जाल’ले आफ्नो वार्षिक क्यालेन्डर अनुसार सोमबार (भोलि) प्रतियोगिता गर्न लागेको हो ।

सञ्जालका अध्यक्ष अशोक खतिवडाका अनुसार प्रतियोगितामा वडाभित्र रहेका ६ विद्यालयका टोलीको सहभागिता रहनेछ ।

बाल मन्दिर आधारभूत विद्यालयमा आयोजना हुने प्रतियोगितामा कक्षा दशसम्मका विद्यार्थीले भाग लिने पाउने छन् ।

वडा नं ७ का वडा अध्यक्ष मधुबाबु तिवारीको प्रमुख आतिथ्य रहने प्रतियोगिताका विजेतालाई ट्रफी, प्रमाणपत्रसहित सम्मान गरिनेछ ।

त्यसबाहेक, कार्यक्रममा विराटनगर महानगरपालिकामा भर्खरै गठन भएको नगर बाल सञ्जालका विजयी पदाधिकारीलाई बधाई ज्ञापन गरिने समेत कार्यतालिका रहेको छ ।