भारतबाट ५० हजार मेट्रिकटन गहुँ आयात हुने

काठमाडौं । भारतबाट चार महिनाभित्र ५० हजार मेट्रिकटन गहुँ आउने भएको छ । नेपालमा गहुँ निर्यातका लागि कोटा निर्धारण गरेसँगै आयात हुने निश्चित भएको हो ।

उद्योग वाणिज्य तथा आपूर्ति मन्त्रालयलाई पत्राचार गर्दै भारतले चार महिनाभित्र आयात गरी सक्नेगरी ५० हजार मेट्रिकटन गहुँ आयातको अनुमति दिएको जनाइएको छ ।

जेठ १ देखि भारतले नेपाल लगायतका मुलुकमा गहुँ र गहुँको पिठो निर्यातमा रोक लगाएको थियो ।

गहुँ आयातका लागि औपचारिक निर्यात भने रोक्का नै राखेको भारतले दूतावास मार्फत पत्राचार गरेर नेपाललाई उक्त परिमाणको गहुँ आयात गर्न दिने जानकारी गराएको मन्त्रालयले जनाएको छ ।

नेपालले गहुँको आयात खुलाउन भारतलाई पटकपटक पत्राचार गरेको थियो । जवाफमा भारतले नेपाललाई चाहिने गहुँको परिमाण माग गरेको थियो ।

नेपाली व्यवसायीले मन्त्रालय मार्फत भारतलाई वार्षिक ८ लाख मेट्रकटन गहुँ आयातको माग गरेका थिए ।