आमनिर्वाचन २०७९ को अन्तिम नतिजा आज सार्वजनिक गरिंदै

विराटनगर । मंसिर ४ गते भएको प्रतिनिधिसभा तथा प्रदेशसभा निर्वाचनको अन्तिम नतिजा बुधबार सार्वजनिक हुँदैछ । निर्वाचन आयोगले आज दिउँसो पत्रकार सम्मेलनमार्फत् अन्तिम नतिजा सार्वजनिक गर्ने भएको छ ।

प्रत्यक्षतर्फको अन्तिम नतिजा आइसकेको छ । दलहरूले समानुपातिकतर्फका सांसदको सूची आयोगमा बुझाइसकेका छन् ।

आयोगले बिहीबार राष्ट्रपतिसमक्ष सम्पूर्ण निर्वाचन परिणाम प्रस्तुत गर्ने बताएको छ। त्यसपछि सरकार गठन र संसदीय प्रक्रिया अघि बढ्छ ।

प्रतिनिधि सभाको पहिलो बैठक प्रारम्भ भएको मितिले १५ दिनभित्र प्रतिनिधि सभाका सदस्यहरुले सभामुख र उपसभामुख चयन गर्नेछन् ।