चर्को ब्याजदर र प्रतिकूल नीतिविरुद्ध व्यवसायीले फेरि आन्दोलन गर्ने

विराटनगर । बैंकको चर्को ब्याजदर र प्रतिकूल बैकिङ नीतिले सिर्जना भएको कठिनाइबारे सरोकारवालाबीच छलफल गरिएको छ ।

उद्योग संगठन मोरङ, मोरङ व्यापार संघ, नेपाल उद्योग परिसंघ प्रदेश नम्बर १ तथा ती संस्थाका पूर्वपदाधिकारीको सहभागिता रहेको कार्यक्रममा उद्योग व्यवसाय क्षेत्रमा देखिएका समस्या समाधान गर्न आग्रह गरिएको थियो ।

मोरङ व्यापार संघका अध्यक्ष नवीन रिजालका अनुसार चर्काे बैक व्याजदर र प्रतिकूल बैकिङ नीतिहरुले सबै वर्ग पीडित भएका छन् ।

नेपाल उद्योग परिसंघ प्रदेश १ का अध्यक्ष भीम घिमिरेले दुई दिनभित्र आन्दोलनको खाका कस्तो हुन्छ भने बारेमा छलफल गर्ने बताए ।

संघका पूर्वअध्यक्ष पवनकुमार सारडाले अहिलेको सरकारले नै निर्णय लिनु पर्ने बताए । ‘आज उद्योगी व्यवसायी टाट पल्टने अवस्था छ भने भोलि बैंकको पनि त्यस्तै अवस्था आउन सक्छ’ उनले भने ।

(प्रशिक्षार्थी)