कल कल गर्ने धाराको पानी मिठो थियो
हाँसीहाँसी जिउने मेरो बानी मिठो थियो

उफ्री उफ्री, नाची नाची चरी झैँ रमाउने
आमाको काख आहा ! त्यो सिरानी मिठो थियो

बालपनका यादहरू पल पल सम्झनामा
नत शोक नत रोग जिन्दगानी मिठो थियो

मेला गए पनि हातमा ठेला भए पनि
लाग्दैनथ्यो फिक्री केही जवानी मिठो थियो

सँघर्षको दौरानमा कहिले हाँस्ने रुने
जिन्दगीका आत्मकथा कहानी मिठो थियो

-संखुवासभा

154
Shares
१४ मंसिर २०७९, बुधबार २१:२३