काठमाडाैं । वैकल्पिक व्यवस्थाकाे तयारी नै नगरी थापाथलीस्थित बागमती किनारमा रहेको सुकुम्बासी बस्तीमा डाेजर पुगेपछि स्थिती तनावग्रस्त बनेको छ ।
डाेजरसहित सुकुम्बासी बस्ती हटाउन पुगेको महानगरको टोलीमाथि स्थानीयहरुले ढुंगामुढा गर्दै विराेधमा उत्रिएपछि यतिबेला साे क्षेत्र तनावग्रस्त बनेको हो ।
ढुंगामुढामा उत्रिएका स्थानीयले यतिबेला टायर बालेर नाराबाजि गरिरहेका छन् ।
गरिब मार्न पाइँदैन, बागमती सभ्यता हाेस गर, एडिबीकाे बजेट चाहिँदैन, डाेजर चलाउन पाइँदैन भन्दै स्थानीयले नाराबाजि गरिरहेका छन् ।
विराेधमा उत्रिएका स्थानीयले डाेजरमा ताेडफाेड समेत गरेका छन् । स्थितीलाई नियन्त्रणमा लिन बाक्लाे संख्यामा सुरक्षाकर्मी परिचालन गरिएकाे छ ।
एकीकृत बागमती सभ्यता विकास समितिले ४ मंसिरसम्म अन्तिम म्याद राखेर बस्ती खाली गर्न सूचना जारी गरेको थियो । साेही सूचना अनुसार आज डाेजरसहितकाे टाेली सुकुम्बासी बस्ती पुगेकाे थियाे ।
