युवा उद्यमीको फोरम विस्तार गरिने

विराटनगर । नेपाल उद्योग परिसंघले कन्फेडेरेसन अफ नेप्लिज इन्डष्ट्रिज युथ इन्टरप्रेनर्स फोरम (सिईएनआइइएफ) को शाखा विस्तार गर्ने भएको छ ।

विराटनगरमा पत्रकार सम्मेलन गर्दै यस्तो जानकारी दिइएको हो । उपसमन्वयक अनमोल प्रधानले काठमाडौंपछि प्रदेश १ मा दोस्रो शाखा स्थापना गर्न लागिएको बताए ।

परिसंघअन्तर्गतको यो फोरमले विभिन्न कार्यक्रम गर्ने जनाइएको छ । प्रधानका अनुसार विराटनगरमा ३५ जना साधारण सदस्यसहित विस्तार गरिएको छ । त्यसबाट ७ सदस्यीय बोर्ड गठन गरिने छ ।

बोर्डले युवा उद्यमीलाई सकारात्मक परिवर्तन गर्न र व्यापारमा आउने चुनौतीहरु सामना गर्न रणनीति बनाउने जनाइएको छ ।

‘फोरमको मुख्य उद्देश्य प्रदेश १ का युवा उद्यमीलाई व्यापार गर्न सहज वातावरण निर्माण गर्नु हो’ प्रधानले भने, ‘युवा उद्यमीहरु ताजा र प्रभावकारी विचारमार्फत् योगदान गर्न सक्ने भएकाले प्रभावकारी हुनेछ ।’