राजेन्द्र महतोलाई पराजित गर्दै सर्लाही २ बाट यादव निर्वाचित

सर्लाही । सर्लाही निर्वाचन क्षेत्र नं २ बाट प्रतिनिधिसभा सदस्यमा महिन्द्र राय यादव विजयी भएका छन् । उनले लोकतान्त्रिक समाजवादी पार्टीका नेता राजेन्द्र महतोलाई पराजित गरेका छन् ।

यादवले नेकपा माओवादी केन्द्रको चुनाव चिह्न लिएर उम्मेदवारी दिएका थिए ।

यादवले गठबन्धनकै अर्को दल लोसपाका उम्मेदवार महतोलाई २ हजार ११ मतान्तरले पराजित गरेका हुन् ।

यादव २०७० को निर्वाचनमा पनि महतोलाई पराजित गर्दै २ हजार ५ सय मतान्तरले विजयी भएका थिए ।

यादवले २३ हजार ५२९ मत ल्याउँदा महतोले २१ हजार ५१८ मत ल्याएका छन् । जसपा–एमाले गठबन्धनका तर्फबाट एमालेका उम्मेदवार राजनारायण साहले १४ हजार ८१९ मत पाए ।