लिम्बूले २७ हजार २ सय ९७ मत प्राप्त गरे भने खतिवडाले २६ हजार ८ सय ६७ मत ल्याए ।
मतगणनाका क्रममा निरन्तर खतिवडाले अग्रता कायम राख्दै आएका थिए । अन्तिम समयमा लिम्बूले उनलाई उछिनेका हुन् ।विजयी र निर्वाचित यी दुई नेता निरन्तरका प्रतिस्पर्धी हुन् । २०४३ सालमा लेटाङ गाउँ पञ्चायतमा जनपक्षीय उम्मेद्वारको रुपमा प्रधानपञ्चको रुपमा उम्मेद्वार बनेका खतिवडा थोरै मतले पराजित बनेका थिए ।
२०४९ सालमा सम्पन्न स्थानीय निकाय निर्वाचनमा लेटाङको गाविस अध्यक्षमा खतिवडा निर्वाचित भएका थिए । काँग्रेसका लिम्बूलाई खतिवडाले २०४९ सालको स्थानीय निर्वाचनमा तत्कालिन लेटाङको गाविस अध्यक्षमा पराजित गरेका थिए ।२०७० सालको दोस्रो संविधानसभा निर्वाचनमा लिम्बूसँग पराजित भएका खतिवडा २०७४ सालको निर्वाचनमा भने माओवादीसमेतको सहयोगमा लिम्बूलाई नै पराजित गर्दै विजयी बनेका थिए ।
२०६४ सालको निर्वाचनमा माओवादी उम्मेद्वार नगेन्द्र धिमालबाट पराजित बनेका लिम्बू २०७० सालको संविधानसभा निर्वाचनमा विजयी बनेका थिए ।
लिम्बूले तत्कालीन मोरङ ९ बाट १५ हजार २०२ मत ल्याएका थिए भने १२ हजार ९८९ मत ल्याएर खतिवडा पराजित भएका थिए ।
२०७४ सालको निर्वाचनमा बाम गठबन्धनबाट उम्मेद्वार बनेका खतिवडा ३७ हजार ५२४ मत ल्याएर विजयी बनेका थिए । त्यसबेला काँग्रेसका लिम्बूले ३१ हजार ४३६ मत ल्याएका थिए ।
Like us on Facebook
Follow us on Instagram
Subscribe YouTube Channel
Follow us on Tiktok